Судот во рускиот град Мурманск денеска осуди уште шест активисти на еколошката организација „Гринпис“ на казна од два месеца затвор, а уште двајца активисти очекуваат пресуди, заради тоа што протестираа во близина на нафтена платформа на Арктикот.
Судот во Мурманск во четвртокот донесе одлука за изрекување затворски казни за 22 членови на тимот на „Гринпис“, кој минатата недела протестираше во близина на нафтена платформа. Меѓу нив се руски фотограф и Американец капетан на бродот.
Уште осум активисти се приведени на три дена додека се чека нов претрес.
Активистите се државјани на 18 земји, вклучувајќи ја и Русија.
„Гринпис“ порача дека ќе се жали и дека бара активистите веднаш да бидат ослободени, пренесуваат американските медиуми.
Руска крајбрежна стража на 18 септември ги спречи активистите во обидот да ја заземат нафтената платформа, а руските власти следниот ден го запленија бродот на „Гринпис“ и заедно со екипажот фо одвлече во Мурманск.