Претставникот на Кремљ, Јуриј Ушаков, денеска изјави дека Москва ќе одговори на плановите на американската Централна разузнавачка агенција (ЦИА) за подготовка на кијбер напад врз руското раководство, пренесе Танјуг.
-Секако дека тоа ќе го сториме. Ова е веќе на работ на непристојност, изјави Ушаков на маргините на самитот на државите од БРИКС, што се одржува во индиското одморалиште Бенаулим.
Ен-Би-Си њуз, вчера, цитирајќи американски разузнавачки претставници, објави дека администрацијата на Обама „размислува за тајна кибер операција без преседан против Русија во знак на одмазда за наводното руско мешање во американските претседателски избори“.