Урсула фон дер Лајен: Договор за Брегзит нема да има ако не бидат решени разликите

Од:

Претседателката на Европската комисија, Урсула фон дер Лајен изјави дека сè уште има „значителни разлики“ во ставовите на Брисел и Лондон и оти договорот за Брегзит нема да биде можен доколку не се решат тие разлики.

Фон дер Лајен денеска разговараше со премиерот на Велика Британија, Борис Џонсон.

Во заедничко соопштение по разговорите се истакнува дека е постигнат напредок во многу области, но не и во клучните три – еднакви услови, управување и риболов.

– Двете страни нагласија дека ниту еден договор не е изводлив доколку овие прашања не се решат. Препознавајќи ја сериозноста на овие разлики, се согласивме дека нашите преговарачки тимови треба да направат дополнителни напори за да проценат дали може да се решат, се вели во соопштението.

Претседателката на Европската комисија вели дека главните преговарачи на Брисел и Лондон ќе се сретнат утре во Брисел, и оти таа повторно ќе се слушне со премиерот Џонсон во понеделник вечер.

Главните преговарачи на Брисел и Лондон, Мишел Барние и Дејвид Фрост вчера заклучија дека „нема услови за напредок во преговорите“ и паузираа во дијалогот за идните односи меѓу ЕУ и Велика Британија.

Би можело да ве интересира

Фон дер Лајен во Македонија на 28 септември

А1он

Фон дер Лајен ги повика земјите од Г7 да се најде решение за бегалците

А1он

Фон дер Лајен ја обвини Белорусија дека намерно создава мигрантска криза во Литванија

Катерина Павлова-Николовска

Урсула фон дер Лајен стана баба

Ана Ололовска

Политико: Урсула фон дер Лајен обвинета за кршење на дипломатскиот протокол

Урсула фон дер Лајен ја прими првата доза вакцина против Ковид-19