Градоначалникот на унгарското село Ашотхалом, Ласло Тороцкај предлага да изгради ограда за да ги спречи илегалните имигранти кои ја поминуваат границата со Србија.
Се почесто имигрантите, пред се од Косово поминуваат низ шумата на Ашотхалом за да стигнат до Германија и други дестинации во Западна Европа.
Тороцкај на Фејсбук напиша дека Унгарија треба да ги искористи европските фондови за заштита на границите со подигнување на гранични огради. Тој наведува дека голем број имигранти секојдневно го посетуваат селото.
Унгарските власти од почетокот на годината добиле 13.000 молби за одобрување азил, а минатата година 43.000 молби.