Унгарија ќе гради 4-метри висока ограда по границата со Србија за да се обиде да спречи илегално влегување на мигранти, изјави денеска министерот за надворешни работи Петер Сијарто.
– Имиграцијата е еден од најсериозните проблеми со кои се соочува Европската унија, изјави Сијарто на прес конференција.
– Државите од ЕУ бараат решение, но Унгарија не може да си дозволи да чека долго, додаде тој.
Министерот објасни дека станува збор за гранична линија од 175 километри кое ќе биде „затворена“ со ограда висока четири метри. Министерството за внатрешни работи веќе добило инструкции за да се подготви проектот.