Земјотрес со интензитет од 5,3 степени според Рихтеровата скала денеска е регистриран во главниот град на Нов Зеланд, Велингтон.
Земјотресот бил почувствувам во целиот централен дел на Нов Зеланд, а траел дваесетина секунди.
Епицентарот на земјотресот бил на 34 километри источно од градот Бленхајм, на длабочина од 16 километри.
Нема информации за повредени лица и евентуално причинета материјална штета. Нов Зеланд се наоѓа во така наречениот пацифички огнен прстен, каде е честа сеизмичката активност.
Во силниот земјотрес во Крајстчерч во 2011 година загинаа 185 луѓе, а разурнат беше поголем дел од центарот на градот.