Украинските сили соопштија дека постигнале значителен напредок за време на офанзивата на руските позиции во окупираниот јужен регион Херсон.
„Во регионот на Херсон, вооружените сили ослободија осум километри окупирана територија“, соопшти на Телеграм Територијалната одбранбена единица Азов Днепро.
Украинските сили изминатиот викенд започнаа офанзива на Херсон. Оттогаш има малку информации за операцијата, но се чини дека Украинците зазеле бројни села во северниот дел на Херсон и го зацврстиле мостот преку реката Ингулец.