Во време на серијата напади врз градот Одеса, погоден е објект на енергетска инфраструктура и станбени згради, изјави вечерва регионалниот гувернер. Максим Марченко додаде дека две лица се повредени и дека поголемиот дел од градот и околината останале без струја.
Градоначалникот на Одеса објави дека градот е без струја и вода.
„Доколку ситуацијата не се подобри, ќе им доставуваме вода на граѓаните со специјални возила. Ситуацијата е тешка, но е под контрола“, изјави Генадиј Труханов, а пренесува Киев Индипендент.