Украина од утре ќе почне да ја повлекува тешката артилерија од Донбас за да се воспостави безбедносна зона на површина од 30 километри, соопшти денеска украинското Министерство за одбрана.
– Се обидуваме безусловно да го примениме Меморандумот од Минск. Првата фаза е почитување на режимот на примирје. На следната фаза ќе преминеме од утре. Ќе почнеме да ги повлекуваме артилериските пушки со калибар од 100 милиметри, истакна Александар Розмазнин, претставник на Генералштабот на украинските вооружени сили.
Тој наведе дека со тоа ќе биде воспоставена безбедносна зона од 30 километри.