Пред четири години во Базел, но и цела Швајцарија, беше шокиран од убиството на момче на возраст од само седум години, кое беше брутално избодено од 75-годишна жена, додека детето се враќаше од училиште.
Тој бил на само 10 минути пешачење од својот дом кога го уби швајцарската државјанка Анџела Н.. Станува збор за дете на баратели на азил кои дојдоа во Швајцарија од Косово.
Жената во истрагата тврдеше дека тоа го направила од невнимание, но истрагата покажала дека убиството на малиот Албанец од Косово бил планиран акт.
Ова злосторство ја шокираше целата земја. По злосторството таа сама се пријавила во полиција.
Уште од 1980-тите, таа и нејзиниот сопруг се познати како проблематични луѓе, кои постојано зборуваа за тоа како полицијата и судските власти плетеле мрежа од заговор против нив.
Еден од роднините на детето, од Липљање, за медиумите го коментира овој случај:
-Никогаш не добивме одговор што и како се случило, само дознавме дека е прободен со нож во вратот. Немаше причина да се случи ова, одеше на училиште како и другите деца – вели вујкото на жртвата,
Несреќното момче го пронајде еден од учителите, кој го виде беспомошното дете како лежи во локва крв.
Мотивот е мистерија дури и за швајцарските истражни органи.
Судот во Базел пресуди дека жената останува под надзор на неопределено време, со оглед на тоа што и е дијагностицирана ментална болест, и поради страв да не го повтори делото и да биде опасност за другите. Швајцарскиот закон дозволува таквите луѓе да останат во затвор на неодредено време.