Дваесет и двајца војници од Обединетите Арапски Емирати (ОАЕ) и петмина од Бахреин се убиени од јеменските бунтовници.
Овие две земји од реонот на Персискиот залив учествуваат во сунитската коалиција, предводена од Саудиска Арабија, во борбата против шиитските бунтовници во Јемен.
Бунтовниците Хуси соопштија дека истрелале ракета врз магацин со оружје во база на коалициските сили во провинцијата Маариб.
Во нападот загинале десетици војници од ОАЕ и Јемен, уништени се два хеликоптера „Апачи“ и неколку оклопни возила.
Жителите на провинцијата тврдат дека виделе пожар и густ чад.
Петмина војници од Бахреин се убиени додека ја обезбедувале јужната граница на Саудиска Арабија со Јемен, но детали не се соопштени.