Врховниот командант на палестинската милитантна група Хамас, Рад Саад, беше убиен во израелски воздушен напад врз Газа Сити, изјави израелски функционер.
Сад беше цел додека беше во својот автомобил на крајбрежниот пат Рашид и беше убиен заедно со уште тројца други, објави „Тајмс оф Израел“. Весникот наведува дека нападот е јасно кршење на прекинот на огнот во Појасот Газа.
Сад беше началник на штабот за производство на оружје на Хамас и се сметаше за втор по важност по воениот командант на групата, Иза ал-Дин Хадад.
Палестинските медиуми претходно објавија дека најмалку три лица се убиени во израелски воздушен напад врз Газа Сити во неделата.
Медиумите објавија дека нападот бил насочен кон возило во западниот дел од Газа Сити.
Нападот се случил на страната од линијата на прекин на огнот во Газа, контролирана од Хамас.
Израелската војска вели дека целта на нападот во последните месеци „била вклучена во напорите за враќање на производството на оружје на групата“.