Околу 80 лица од Тајван и Кина се уапсени во Камбоџа поради недозволено изнудување пари од жртви во странство преку телефон и интернет, соопшти денеска полицијата.
– Осомничените, главно Тајванци, се уапсени во саботата и ќе бидат депортирани во своите земји каде ги чека судски процес, изјави министерот за правда на Камбоџа Киеу Софеак.
Тие ги извршиле кривичните дела користејќи телефон преку интернет за да изнудуваат пари од жртви во странство, нагласи Софеак, додавајќи дека Кина соработувала во откривањето и разбивањето на мрежата измамници.
Полицијата соопшти дека осомничените често им се заканувале на жртвите.