Поранешен агент на француската тајна служба е уапсен во Стразбур под сомнение дека нарачал силување на деца во Африка.
Тој е осомничен за „тешка трговија со луѓе, силување и сексуален напад врз малолетници“ и „снимање, увоз и дистрибуција на порнографски слики од малолетник со користење на електронска комуникациска мрежа“, објавија француските медиуми.
Мажот, пензиониран воен офицер, е осомничен дека наредил силување на деца во Африка, особено во Кенија, каде што патувал на професионални мисии и плаќал и организирал сексуална злоупотреба, снимајќи ги сцените што потоа ги гледал за да ги задоволи своите нагони, објавија медиумите.
Видеата биле забележани на интернет од Американската фондација за борба против детскиот криминал, која потоа ја известила француската полиција, особено Канцеларијата за малолетници, која ја спроведе истрагата и го уапси.
