Турската полиција го уапси и адвокатот на Имамоглу

Од:

Турските власти го уапсија Мехмет Пехливан, адвокат на градоначалникот на Истанбул, Екрем Имамоглу, политички ривал на претседателот Реџеп Таип Ердоган, изјави Туран Таскин Озер пратени од главната опозициска Републиканска народна партија (ЦХП).

Пехливан, кој го бранеше Имамоглу во последната истрага, беше уапсен „на измислена основа“, напиша на интернет пратеникот Озер, објави Ројтерс.

Подоцна весникот „Хабертурк“ објави дека Пехливан е уапсен под обвинение за „перење пари стекнати со криминални активности“.

Министерствата за внатрешни работи и за правда не одговорија на барањата за коментар.

Имамоглу, кој беше привремено сменет од функцијата поради случајот, повика на итно ослободување на неговиот адвокат.

Опозицијата, организациите за човекови права и западните сили тврдат дека случајот против Имамоглу е политички мотивиран, за да се елиминира потенцијалната закана за Ердоган на изборите.

Во меѓувреме, денеска беа уапсени и двајца новинари кои известуваа за антирежимски протести, додека турскиот суд претходно ослободи седум новинари кои претходно беа затворени поради „учество во нелегален марш“.

Би можело да ве интересира

(ВИДЕО) Драма во Анталија: 800 пожарникари се борат со пожари, наредена е евакуација

(ВИДЕО) Осуммина повредени во судир на бродови близу Истанбул

Горан Наумовски

Турската полиција за седум дена уапси 161 терорист

Обвинувања од Анкара – Америка е лицемерна во преговорите меѓу Израел и Хамас

Турција почна со производство на тенкот „Алтај“ со домашен мотор

А1он

Инфлуенсерка од БиХ ја разбесни турската јавноста, танцуваше околу столб со државното знаме

А1он