При пад на мал патнички авион кој се урна по полетувањето од аеродромот Лион-Брендас, според пожарникарите две лица се полесно повредени.
Несреќата се случила денеска нешто пред 14 часот, јави БФМ ТВ.
Од засега непознати причини, несреќата се случила набрзо по полетувањето на авионот, надвор од пистата.
Двајца патници успеале да излезат од авионот пред да се запали.
Пожарникарите го изгаснале пожарот.
Пaтниците, кои се здобиле со полесни повреди, се пренесени во болничкиот центар во Лион Суд.