Повеќе од 70 туристи четири часа биле заглавени во кабината на жичарница на француските Пиринеи, јавија француските медиуми.
Повеќето од 73 туристи успеале да слезат од кабината, но најмалку 20 од нив останале да чекаат помош од спасувачите.
Убавото време придонесе акцијата за спасување да заврши без инциденти. Во спасувачката операција учествувале повеќе од 80 луѓе. Никој не бил повреден.
Покрената е истрага за да се утврди причината за дефектот на жичарницата и да се проверат безбедносните услови.
Жичарницата ги поврзува Лушон и скијачкиот центар Супербанер во централните Пиринеи.