Турската Влада почна акција за пренесување на повредените Палестинци од Појасот Газа во Турција на лекување, изјави денеска турскиот премиер и новоизбран претседател Реџеп Таип Ердоган.
-Почнавме со пренесување на нашите повредени палестински браќа во Турција, изјави Ердоган во првото обраќање во јавноста, откако официјално е прогласен за победник на претседателските ибзори во Турција.
Ердоган не соопшти повеќе детали, но според турските медиуми хеликоптери за транспорт на повредените се упатени кон Појасот Газа.
Турскиот министер за надворешни работи Ахмет Давутоглу претходно изјави дека официјална Анкара работи на воспоставување воздушен коридор за транспорт на тешко повредените Палестинци во Турција.