Турција ги обвини западните земји за „психолошка војна“

Од:

Турција денеска ги критикуваше западните земји кои привремено ги затворија своите конзулати во Истанбул, загрижени за нивната безбедност поради можни одмазднички напади врз дипломатските претставништва по палењето на Куранот на протестите во неколку европски земји.

Турскиот министер за внатрешни работи Сулејман Сојлу изјави дека затворањето на конзулатите и предупредувањата за патување во Турција се дел од, како што рече, заговорот на Западот да му наштети на закрепнувањето на турскиот туризам по пандемијата на коронавирусот и ги обвини западните земји за психолошка војна.

Сојлу истакна дека на денот кога Турција ја објави својата цел да привлече 60 милиони туристи, западните земји беа на работ да почнат нова психолошка војна против Анкара.

Сојлу потсети дека само годинава Турција извршила дури 60 операции против Исламската држава (ИД) и привела 95 лица.

-Околу 2.000 осомничени за припадност кон ИД лани беа уапсени во Турција во повеќе од 1.000 операции против групата, рече Сојлу.

Турското Министерство за внатрешни работи претходно недела соопшти дека турските власти уапсиле неколку осомничени по предупредување од „пријателска земја“, но не пронашле оружје или муниција и дека нема знаци дека се планирани напади.

Германија, Холандија и Велика Британија се меѓу земјите кои неделава ги затворија своите конзулати во Истанбул, наведувајќи го ризикот од можни одмазднички напади по палењето на Куранот во Шведска, Холандија и Данска.

Во меѓувреме, САД и некои други земји издадоа предупредувања за патување на нивните граѓани во Истанбул, повикувајќи се на претпазливост.

Извор: МИА

Би можело да ве интересира

(ВИДЕО) Турција уапси 234 лица во рамките на меѓународната операција против нарко-мафијата

Европол: Откриени четири главни мрежи за шверц на дрога во ЕУ и Турција

Турција започнува реставрација на куполата на Аја Софија

А1он

Разрешениот градоначалник на Истанбул: На суд сум затоа што победив на изборите

(ВИДЕО) Снежно невреме во Анкара

Горан Наумовски

(ВИДЕО) Во сообраќајка загина Ѓулер Ердоган, која беше Мис на Балканот за 2022

Горан Наумовски