Во експлозијата на гасовод на истокот на Турција, преку кој се пренесува природен гас од Иран, повредени се 28 војници.
Дотокот на гас е прекинат, а засега не се познати причините за вчерашната експлозија во областа Елескрита, град во провинцијата Агра, јавува Ројтерс.
Не е познато ни кога дотокот на гас ќе биде повторно воспоставен.
Војниците се повредени бидејќи во моментот на експлозија, поминувале со воено возило покрај гасоводот.
Дотокот на гас од Иран веќе беше прекинат порано овој месец, исто така поради експлозија, а повторно е воспоставен по една недела.