Најмалку тројца француски државјави загинаа во источниот дел на Доминиканската Република, кога автобусот во кој што се возеле се судрил со товарен воз. Во несреќата се повредени 15 патници, а се случила на околу 160 километри источно од главниот град Санта Доминго.
Автобусот со 30 француски туристи и двајца локални водачи, удрил во возот кој пренесувал шеќерна репа, пренесуваат агенциите. Загинатите се двајца мажи и една жена, а се претпоставува дека патувале кон познатото одмаралиште Пунта Кана. Сеуште се испитуваат причините за несреќата.
