Тројца тинејџери загинаа синоќа во тешка сообраќајна несреќа во Шкотска. Несреќата се случила кога автомобил „форд фиеста“ во која се возеле излетал од патот, јавува Скај њуз.
Three teenage boys killed in Highlands car crash, police say
Full story ⬇️https://t.co/szgaTCDHnR
— Sky News (@SkyNews) August 30, 2025
Службите за итни случаи биле повикани на несреќата на автопатот А830, јужно од Арисаиг, околу 23:15 часот. По пристигнувањето на местото на несреќата, можеле да ја констатираат смртта на три млади лица – возачот и двајца патници.
Иако сè уште не е извршена формална идентификација, полицијата на Шкотска соопшти дека се верува дека сите три жртви се млади мажи во тинејџерски години.
– Нашите мисли се со семејствата и пријателите на луѓето што загинаа во оваа несреќа – рече локалниот инспектор.
Тој истакна дека истрагата е во тек со цел да се утврдат сите околности што доведоа до трагедијата.