Тројца Италијанци загинаа во падот на хеликоптер кој превезувал скијачи во Канада, а четири лица се тешко повредени, јави денеска АНСА.
Локална туристичка компанија која организира летови за скијачите соопшти дека најмалку три лица загинале, а неколку тешко се повредени кога хеликоптер со скијачи се урнал во близина на Терас, во канадската провинција Британска Колумбија.
Компанијата „Northern Escape Heli-Skiing“ веднаш не соопшти повеќе детали за несреќата што се случи во понеделникот, објави Вашингтон пост.
Компанијата соработува со канадската коњичка полиција и властите кои ги истражуваат причините за инцидентот, изјави претседателот на Northern Escape, Џон Форест.
Најмалку седум лица се наоѓале во хеликоптерот, соопшти локалната волонтерска спасувачка група.
Терас е град со 12.000 жители, на околу 112 километри од границата со Алјаска.