Судот „Олд Бејли“ во Лондон денеска осуди тројца Британци под обвинение за подготвување на терористички напади на територијата на Велика Британија.
Ричард Дарт, кој по преминувањето во ислам се преименувал во Салахудин ал-Британи, е осуден на шест години, Имран Махмуд на девет години и девет месеци, а Јахантир Алом на 4,5 години затвор.
Дарт и Махмуд се Британци, додека третообвинетиот Алом е роден во Бангладеш, но е британски државјанин. Сите тројца живеат во британскиот главен град.
Терористичкото трио планирало напади во малиот англиски град Вутон Басет, во чија близина се наоѓаат еден воен аеродром и воена база. Ова место е познато во Велика Британија по парадите што се одржуваат низ неговите улици секогаш кога од Авганистан се враќаат британскте војници од меѓународните сили под команда на НАТО, а низ градот поминува и поворката со посмртните останки на загинатите Британци во мисиите во странство.
Дарт или Ал Британи, работеше како чувар во Би-Би-Си, додека Алом работеше како позорникар кои патролира по лондонските улици, како невооружена поддршка на полицијата.
Сите тројца се уапсени во Лондон, на неколку недели пред почетокот на минатогодишните Летни олимписки игри. Тројцата патувале во Пакистан каде поминале курс за терористичка обука.