Три лица во Германија загинаа во две одвоени авионски несреќи во сојузната покраина Северна Рајна-Вестфалија, додека уште две лица се повредени откако лесен авион се урна во Хесен, во третата несреќа на југ.
Во областа Соест во Северна Рајна-Вестфалија, мал авион се урна веднаш по полетувањето од аеродромот во Бад Сасендорф, изјави портпаролот на полицијата. Две лица загинаа во несреќа.
Причината за несреќата не е позната. Авионот се урнал во поле.
Претходно, мал авион се урнал во Гутерсло-Спексард, јужно од Билефелд. Пилотот бил единствениот патник и загинал во несреќата, соопшти полицијата. Не е јасно што ја предизвикало несреќата.
Во северниот дел на Хесен, двајца мажи се повредени откако лесен авион се урна веднаш по полетувањето од аеродромот Корбах. Едномоторниот „Пајпер“ не достигна доволна височина и се урнал во близина на полетната стаза, извести полицијата во Касел. Исто така, остана нејасно што ја предизвикало несреќата. Мажите биле пренесени во болница со повреди кои не се опасни по живот.