Три кинески патроли бродови навлегоа денеска одново во територијалните води на Јапонија во Источнокинеското Море, во архипелагот Сенкаку, кон кој Кина има претензии, соопшти јапонската крајбрежна заштита.
Трите бродови беа пресретнати во јапонските територијални води во саботата, а вчера пловеа на извесно растојание.
Честите навлегувања на кинески бродови во јапонски води го предизвикуваат гневот на десничарската Влада на премиерот Шиндзо Абе, кој им вети на Јапонците дека ќе ја зајакне контролата во реонот на архипелагот и потенцира дека за островите не можат да се водат никакви преговори.
Државниот секретар на САД Хилари Клинтон во петокот упати предупредување до Кина во врска со конфликтот со Јапонија за островите.