Француската полиција откри три безживотни тела – двегодишно дете, неговата мајка и жена во шеесеттите години – во куќа во градот Тулуз, набргу потоа, пронајден е и маж, кој најверојатно извршил самоубиство, објави денеска весникот „Ле Фигаро“.
Телата на жртвите биле пронајдени во текот на ноќта меѓу вторникот и средата, а пронајдениот маж е таткото на детето, пренесува весникот.
Според полициски извор, полициските службеници претходно биле повикани на таа локација поради семеен спор, но не успеале да стапат во контакт со инволвираните лица.