Трговскиот дефицит на Романија се зголеми во февруари, бидејќи увозот се зголеми повеќе од извозот, покажаа бројките на Националниот институт за статистика објавени денеска.
Трговскиот дефицит во февруари се зголеми на 2,459 милијарди евра (2,68 милијарди долари) од 1,896 милијарди евра истиот месец минатата година, соопшти агенцијата. Во јануари трговскиот дефицит изнесуваше 2,122 милијарди евра.
Извозот се зголеми за 21,9 проценти на годишно ниво во февруари, по растот од 25,0 отсто во јануари. Увозот се зголеми за 23,8 проценти на годишно ниво во февруари, по растот од 34,8 отсто претходниот месец.
Извор: МИА