Актуелниот американски претседател Доналд Трамп денеска продолжи да објавува на Твитер како е извршена изборна кражба и дека тој е победник на изборите.
– Победив на изборите, напиша Трамп пред неколку часа, а потоа истакна дека пребројувањето на гласовите во Џорџија е лажно.
Засега, само од изутринава, двапати објави дека тој е победник, на што Твитер му постави предупредување и на двата твита.
Трамп се фалеше и дека вакцината против коронавирусот доаѓа во неговиот мандат, додавајќи дека медиумите со лажни вести се обидуваат да му ги украдат изборите.
– Нема да им го дозволиме тоа, напиша Трамп на Твитер.
Медиумите ја прогласија победата на Џо Бајден уште на 7 ноември, но Трамп одбива да го признае поразот.
Трамп вчера во еден свој твит првпат призна дека Бајден победил на претседателските избори во САД. Тој напиша дека Бајден е победник бидејќи изборите се наместени, но веднаш потоа објави и нов твит во кој тврдеше дека не признал ништо.