Американскиот претседател Доналд Трамп изјави дека неговата администрацијата размислува да објави видео-снимка од специјалната операција во Сирија во која е елиминиран лидерот на Исламска држава, Абу Бакир ал Багдади.
– Размислуваме за тоа. Би можеле да го направиме тоа. Можеме да објавиме одредени делови од операцијата, наведе Трамп.
Тој истакна и дека Ал Багдади и неговите соработници биле „уплашени како кутриња“.
Трамп беше критикуван бидејќи на вчерашната прес-конференција изјави дека лидерот на ИД умрел како „куче и кукавица“, дека „плачел како кукавица“ и оти „цимолел, врескал и плачел“.
Во меѓувреме на социјалните мрежи се појави видео-снимка од бункерот каде се криеше Ал Багдади, кој во сабота се самоуби активирајќи експлозив за време на американската операција против него во северозападна Сирија.
На видео-снимката се гледаат урнатините од бункерот, каде се криел Ал Багдади, остатоци од облека и душеци.