Трамп „растури“ на прелиминарните избори во Мичиген

Од:

Поранешниот американски претседател Доналд Трамп победи, во согласност со предвидувањата, на републиканските претседателски прелиминарни избори во државата Мичиген, а американскиот претседател Џо Бајден, кој немаше конкуренција од почетокот на прелиминарните избори во САД, победи и на демократските прелиминарни избори во таа држава.

Ривалката на Трамп, Ники Хејли, беше поразена со голема разлика. Тоа беше уште еден дуел меѓу Трамп и Хејли за републиканската номинација за претседателските избори во ноември. Кој сака да стане претседателски кандидат во САД, прво мора да победи на внатрепартиските прелиминарни избори.

Потоа официјално се избираат кандидатите на партиските конвенции во лето. Конвенцијата за номинација на републиканците се одржува во средината на јули. Хејли веќе загуби од Трамп на прелиминарните избори во Ајова, Њу Хемпшир и Јужна Каролина. Педесет и двегодишната жена политички и реторички се смета за нешто поумерена од нејзиниот ривал.

Трамп (77) има силна поддршка во партиската база. Американскиот претседател Џо Бајден очекувано победи на прелиминарните избори на Демократската партија во Мичиген, но протестното гласање на демократите лути на поддршката на Бајден за израелската војна против Хамас во Газа ги надмина очекувањата на организаторите.

Во Мичиген, дом на голема арапско-американска заедница, демократските гласачи беа повикани да ги означат гласачките ливчиња како „неопределени“ во знак на протест против политиката на Бајден за Газа. Откако беа преброени речиси половина од гласовите на демократите, бројот на „неопределени“ гласачки ливчиња беше повеќе од 58.000, според Едисон Рисрч, што далеку ја надминува целта од 10.000 поставена од организаторите.

Нецелосните резултати од гласањето покажаа солидно водство на Бајден и Трамп. Со пребројани речиси половина од гласовите на демократите, Бајден има 80 отсто поддршка, додека „неопределените добија 13 отсто. Со пребројани 58 отсто од гласовите на републиканците, Трамп има 67 отсто поддршка додека Хејли има 27 отсто, според Едисон Рисрч.

Би можело да ве интересира

Порно актерката за Трамп: Осудете го и направете го боксерска вреќа во засолниште за жени

Трамп прогласен за виновен, 24 часа подоцна доби повеќе од 50 милиони долари донации

Катерина Ѓуровски

ВИДЕО: Трамп прогласен виновен по сите обвиненија за потпкуп и фалсификување

Катерина Ѓуровски

ВИДЕО: Трамп повторно го исмејуваше Бајден, публиката се смееше

ВИДЕО: Почина човекот кој се самозапали пред судот каде што му се суди на Трамп

Катерина Ѓуровски

Бајден: Само еден претседателски кандидат е ментално неспособен, тоа не сум јас

Катерина Ѓуровски