Американскиот претседател Доналд Трамп „им објави војна“ на членови на својата Републиканска партија, заканувајќи се со уништување на нивните политички кариери, бидејќи го саботирале неговиот план за реформи во здравството.
Трамп, наместо т.н. „Обамакер“, кој го прифати Администрацијата на неговиот претходник Барак Обама, планираше да создаде своја верзија – „Трампкер“.
Конгресмените му одговориле дека нема да прифатат „малтретирање“.
Во објавата на Твитер, Трамп ја нападна групата на републиканците во Претставничкиот дом на американскиот Конгрес наречена Слободарски кокус, нагласувајќи дека ќе ги победи на следните избори за Конгрес доколку продолжат да му се спротивставуваат.
The Freedom Caucus will hurt the entire Republican agenda if they don't get on the team, & fast. We must fight them, & Dems, in 2018!
— Donald J. Trump (@realDonaldTrump) March 30, 2017
– Слободарскиот кокус ќе и предизвика штета на целата републиканска агенда доколку не му се придружат на тимот и тоа брзо. Мора да се бориме против нив и демократите следната година, напиша Трамп на Твитер.