Претседателот на САД, Доналд Трамп, соопшти дека неговиот адвокатски тим подготвува „голема тужба“ која наводно ќе разоткрие детали за изборниот фалсификат.
-Нашата голема судска тужба која детално ја опишува измамата со гласачките ливчиња и многу друго, ќе биде наскоро поднесена. Лажирани избори, напиша тој денеска на Твитер.
Во истиот твит тој искоментира анкета на Брајтбарт, според која 79 отсто од неговите поддржувачи сметаат дека „изборите биле украдени“.
-Тие се 100 отсто во право, и се бориме многу силно, наведе Трамп.
Poll: 79 Percent of Trump Voters Believe ‘Election Was Stolen‘ https://t.co/PmMBmt05AI via @BreitbartNews They are 100% correct, but we are fighting hard. Our big lawsuit, which spells out in great detail all of the ballot fraud and more, will soon be filled. RIGGED ELECTION!
— Donald J. Trump (@realDonaldTrump) November 24, 2020
Сите негови тврдења за наводна изборна измама, социјалната мрежа Твитер ги означува како спорни.
И покрај тоа што Администрацијата на Трамп синоќа и формално го одобри предавањето на власта на новоизбраниот претседател, демократот Џо Бајден, од главните медиуми прогласен за очигледен победник на претседателските изборите во САД, Трамп не се откажува од намерата да го оспорува резултатот, служејќи се со политички изјава или преку адвокати на суд.