Републиканскиот претседателски кандидат и поранешен американски претседател Доналд Трамп денеска изјави дека ќе ги надополни стратешките нафтени резерви на Америка доколку биде избран за уште еден мандат во Белата куќа во ноември.
„Ги пополнував резервите на нивоа што никогаш досега не ги виделе. Треба веднаш да ги надополниме стратешките резерви“, рече тој во интервју за Фокс њуз.
Администрацијата на актуелниот демократски претседател Џо Бајден летово го зголеми купувањето на сурова нафта за да ги надополни стратешките резерви по историската продажба на залихите во 2022 година, по руската инвазија на Украина, потсетува Ројтерс.