Северна Кореја од првиот ден во Новата година прекинува со мораториумот за тестирање нуклеарни и проектили со голем дострел, но сепак американскиот претседател Доналд Трамп смета дека Ким Џонг Ун е „човек од збор“.
– Тој потпиша договор, потпиша договор за денуклеаризација. Тоа беше во Сингапур. Јас мислам дека тој е човек од збор, но ќе видиме што ќе биде, изјави Трамп.
Ким во првиот ден од 2020 година најави дека неговата држава ќе продолжи да развива нуклеарна програма и најави претставување „ново стратешко оружје“.