Американскиот претседател Доналд Трамп денеска соопшти дека го разрешил Марк Еспер од функцијата секретар за одбрана.
Трамп на Твитер напиша дека „високопочитуваниот“ Кристофер Милер, директор на Националниот центар за антитероризам, ќе биде вршител на должноста секретар за одбрана, како и дека Марк Еспер е „прекинат“, по што му се заблагодари за досегашната служба.
I am pleased to announce that Christopher C. Miller, the highly respected Director of the National Counterterrorism Center (unanimously confirmed by the Senate), will be Acting Secretary of Defense, effective immediately..
— Donald J. Trump (@realDonaldTrump) November 9, 2020
Потегот на Трамп доаѓа во момент кога тој обвинува дека изборите за претседател, на кои победата ја однесе неговиот против кандидат Џо Бајден, се наместени. Трамп најави долготрајна правна битка, додека можноста тој да ја вмеша војската во решавањето на исходот од изборите беше тема за која дебатираа аналитичарите во САД.