Кандидатот за претседателска номинација на Републиканската партија, Доналд Трамп денеска изјави дека министерот за одбрана Лојд Остин треба да биде разрешен, бидејќи навреме не ги известил официјалните лица дека е хоспитализиран.
„Секретарот за одбрана Лојд Остин треба веднаш да биде отпуштен поради непрофесионално однесување и непочитување на должноста. Тој исчезна една недела и никој, вклучително и неговиот шеф, корумпираниот Џо Бајден, немаше поим каде се наоѓа“, напиша Трамп на својот профил на социјалните мрежи.
Од друга страна, неименуван извор од Белата куќа за Ројтерс изјавил дека претседателот Бајден дури и не размислува да го отпушти Остин.