Ренат Кузмин, помошник јавен обвинител на Украина, изјави дека постои можност поранешната украинска премиерка Јулија Тимошенко да биде обвинета за вмешаност во убиството на богатиот магнат Јевхен Шербан.
Убиен заедно со својата сопруга на аеродромот Донцек во ноември 1996 година од мажи облечени во полициски униформи, Шербан тогаш бил член на парламентот.
„Истрагата е во тек и веќе дава резултати“, рече Кузмин, задолжен да го истражува случајот.
Тој откри дека фактите укажуваат на вмешаноста на Тимошенко која заедно со поранешниот украински политичар Пол Лазаренко го организирале и финансирале атентатот на Шербан.
Јулија Тимошенко во моментот издржува казна затвор за злоупотреба на службената должност и затајување данок. Судењето за ова обвинение се уште е во тек.