Поранешниот украински премиер Јулија Тимошенко, која е осудена на седум години затвор, го прифати предлогот да замине на лекување во Германија, соопшти нејзиниот адвокат Серхиј Власенко.
Предлогот за лекување во Германија бил предаден од претставници на Европскиот парламент и Тимошенко го прифатила.
Според Власенко, поранешниот полски претседател Александар Квашњевски и поранешниот претседател на ЕП Пат Кокс му го врачиле на украинскиот претседател Виктор Јанукович и барање за помилување на поранешната премиерка.
Ипраќањето на Тимошенко на лекување во Германија и нејзиното помилување се меѓу главните услови за потпишување на спогодбата за асоцијација меѓу Украина и ЕУ.