Американскиот државен секретар Рекс Тилерсон изјави пред новинарите во Манила, каде учествува на форумот на АСЕАН, дека Северна Кореја треба да ги стопира тестирањата на балистички ракети, доколку сака дијалог со САД за решавање на кризата.
– Поострите санкции против Пјонгјанг, кои беа усвоени од Обединетите нации се доказ дека меѓународната заедница е единствена во стремежот кон ослободување на Корејскиот Полуостгров од нуклеарно оружје, додаде Тилерсон.
Кинескиот министер за надворешни работи Ванг Ји изјави дека се надева дека односите меѓу Северна и Јужна Кореја ќе се подобрат.
Според Ванг, севернокорејскиот министер за надворешни работи не ги отфрлил целосно предлозите на јужнокорејскиот колега.