Американскиот државен секретар, Рекс Тилерсон повика на кредибилна истрага во врска со прекршувањата на човековите права на Рохинџи муслиманите во Мјанмар.
Повеќе од 600 илјади Рохинџи ги напуштија своите домови и пребегнаа во Бангладеш од крајот на август, бегајќи од воението операции спроведувани против нив во Мјанмар.
Според лица од ОН, воените операции се класичен пример на етничко чистење.
– Длабоко сме загрижени поради извештаите за злосторствата спроведени од силите на Мјанмар, изјави Тилерсон на прес-конференција со Аун Сан Су Ки, шеф на цивилната администрација.
Тилерсон претходно одржа разговори и со лидерот на војската на Мјанмар, Мин Аунг Хлајнг.
Американскиот државен секретар повика на кредибилна и целосна истрага и кажа дека тие што ги прекршиле законите мора да одговараат.