Опозициската кандидатка на неодамнешните претседателски избори во Белорусија, Светлана Тихановскаја, изјави дека наскоро очекува да почне дијалогот со властите на претседателот Александар Лукашенко, пренесува полски дневен весник „Газета Виборша“.
Белорусија се соочува со најголемиот предизвик по напуштањето на Советскиот Сојуз, бидејќи десетици илјади незадоволни граѓани секојдневно протестираат и ја отфрлаат победата на Лукашенко на претседателските избори на 9 август, потсетуваат британските медиуми.
Додека опозицијата бара преговори за трансфер на власта, белоруските власти ги обвинуваат демонстрантите за илегален обид за заземање на власта.
Тихановскаја веќе изјави дека нема повторно да се кандидира доколку се распишат нови избори, но не исклучува дека нејзиниот сопруг ќе се кандидира.
-Прерано е да се зборува за тоа. Примарната цел се новите избори, рече таа.