Француската полиција ги опколи Шериф и Саид Куаши кои во седиштето на Шарли Ебдо ладнокрвно убија 12 луѓе, меѓу кои и водечките француски карикатуристи и двајца полицајци во предградието на Париз.
Според пишувањето на Дејли Меил, француската полиција вечерва почнала да го пребарува теренот кај големата пештера длабока неколку стотина метри. На подрачјето на шумата во која наводно побегнале браќата Кауши се наоѓа рударско окно и постои можност дека токму таму се имаат сокриено од илјадниците полициски сили кои трагаат по нив.
Опсадата на Париз и понатаму е во сила, а се претпоставува дека над 100.000 полицајци но и војници се фокусирани на пронаоѓањето на терористите. Проблем за потрагата во шумата североисточно од Париз каде се кријат извршителите на убиството, е тешко проодниот терен. Полицијата претходно вршеше проверки од куќа на куќа пред влезот во шумата, а во текот на целиот ден припадници на полицијата вооружени до заби ги чуваа сите јавни објекти во Париз.