Во Словачкиот Парламент доцна синоќа дочло до тепачка меѓу пратениците на владејачката партија Смер и претставници на опозицијата.
Словачките пратеници, на вонредната седница, која траела до раните утрински часови, што ќе продолжи и вечер, расправале за предлогот на опозицијата за изгласување недоверба на премиерот Роберт Фицо.
Опозицијата, која нема доволно гласови за отповикување на Фицо, предлогот го поднесе заради наводно неповолно купување на акции на Словачката компанија за плин, одобрени од Владата.
Конкретната причина за „пратеничката” тепачка била фигура од хартија на словачкиот премиер, која на говорницата ја поставиле опозициските пратеници откако Фицо и министрите ја напуштиле седницата.
Неколку тупаници биле разменети кога пратеници од Смер се обидувале да ја тргнат фигурата на која имало напишано „Виновен за дарување на Словачка на новопечените богаташи”, а пратениците на опозицијата се противеле.