Ураганот „Теди“ се засили во ураган од втора категорија, а до утре може да достигне јачина од четврта категорија, предупреди денеска американскиот Национален центар за урагани.
Ураганот се наоѓа на околу 1.315 километри источно од групата острови Мали Антили, кои се наоѓаат помеѓу Карипското Море и Атлантскиот Океан.
Центарот информира и дека ураганот носи ветрови со јачина од 155 километри на час.