Јапонскиот премиер Шинѕо Абе ја прекина блискоисточната турнеја и се враќа денеска во Токио со цел за што побрза реакција на ултиматумот на исламските екстремисти кои се закануваат со убиство на двајца киднапирани Јапонци ако не им бидат исплатени 200 милиони долари.
– Најостро барам тие да не бидат повредени и веднаш ослободени, изјави Абе вчера на прес конференција за новинари во Ерусалим.
Абе изрази „големо разочарување“ за тој чин на џихадистите и нагласи дека меѓународната заедница нема да попушти пред тероризмот.
Времето полека истекува за јапонската влада да донесе одлука како ќе одговори на ултиматумот на екстремистите, кои вчера објавија рок од 72 часа за исплата на 200 милиони долари, за ослободување на двајцата Јапонци.
Џихадисти од групата ИД вчера објавија видео со барање за исплата на кауција во рок од три дена или во спротивно двајцата Јапонци ќе бидат убиени. Киднапирани се идентификувани како Кнеџи Гото Џогоа и Харун Јукава.
Екстремисти од ИД од август минатата година досега имаат убиено пет киднапирани лица од Запад. Ова е прв случај со јапонски државјани.