Радика Јадав, 25-годишната тенисерка е убиена вчера во двокатната куќа на нејзиното семејство во луксузен дел од индискиот град Гуруграм.
Нејзиниот 49-годишен татко Дипак Јадав призна дека ја уби својата ќерка и е уапсен. Извештајот од обдукцијата покажува дека 25-годишната девојка била погодена со три куршуми.
Според полицијата, таткото признал дека пукал во Радика затоа што често бил исмејуван затоа што живеел од нејзините приходи.
Полицијата соопшти дека тениската академија што ја води Радика била камен на сопнување помеѓу таткото и ќерката.
„Нејзиниот татко не беше задоволен од тоа. Тој ѝ кажуваше во многу наврати да ја затвори, но таа одби“, рече Сандип Сингх, портпарол на полицијата во Гуруграм.
Дипак сметаше дека заработува доволно од киријата и дека нема потреба неговата ќерка да ја води академијата. Тој испука најмалку пет истрели, од кои три ја погодија Радика во грб, убивајќи ја на лице место.
„Мојата внука беше многу добра тенисерка и освои неколку трофеи. Шокиран сум затоа што беше убиена. Мојот брат има револвер калибар 32 со дозвола“, рече чичкото на починатата тенисерка.