Тајани: Иран не смее да поседува нуклеарно оружје

Од:

Италијанскиот министер за надворешни работи Антонио Тајани денеска изјави дека меѓународната заедница не смее да има дилеми во однос на иранската нуклеарна програма, нагласувајќи дека Иран не смее да се стекне со нуклеарно оружје, пренесе агенцијата АНСА.

– Кога се соочуваме со нуклеарна закана, не може да има простор за двосмисленост. Иран не смее да добие атомска бомба, рече Тајани за време на сослушување пред заедничките одбори за надворешни работи на италијанските Долен и Горен Дом. Тој додаде дека оваа порака му ја пренел на израелскиот претседател Ицак Херцог, повторувајќи го правото на Израел да го гарантира својот опстанок со заштита од потенцијален нуклеарен напад.

Тајани откри дека израелскиот министер за надворешни работи Израел Кац му соопштил дека одлуката за започнување на воената операција била базирана на разузнавачки податоци што укажуваат на „сериозна и непосредна егзистенцијална закана“, не само за Израел, туку и за целиот регион и меѓународната заедница.

– Според израелските проценки, Иран би можел да поседува десет нуклеарни боеви глави и над 2.000 ракети подготвени за лансирање за помалку од шест месеци, изјави Тајани.

Тој ја опиша ситуацијата како „апсолутно алармантна“, повикувајќи се на најновиот извештај на Меѓународната агенција за атомска енергија (МААЕ), кој констатира дека Иран ги крши обврските за збогатување на ураниум.

Би можело да ве интересира

Лавров: Русија е подготвена да земе високо збогатен ураниум од Иран

А1он

(ВИДЕО) Иранскиот претседател: Израел се обиде да ме убие, а не САД

А1он

Лавров: Се надеваат дека прекинот на огнот меѓу Иран и Израел ќе биде долгорочен

Барнеа: Израел му нанесе значителна штета на Иран за време на 12-дневната операција

САД воведуваат нови санкции врз Иран

Шпионска афера во Германија, вмешан е и Иран