Од епидемија на колера во Јемен починаа најмалку 681 лице, соопшти денеска Светската здравствена организација (СЗО), предупредувајќи дека епидемијата се уште не го достигнала максимумот.
Според СЗО, во периодот од 27 април до 4 јуни зголемен е бројот на смртни случаи за дури 50 отсто од последните податоци на 27 мај.
Најновите податоци на СЗО покажуваат дека 86.422 можни случаи на заболени од колера се регистрирани во 19 од 20 покраини во Јемен.
Епидемијата започна во октомври минатата година, се прошири до декември, потоа се намали, но никогаш не е целосно ставена под контрола.