Генералниот директор на Светската здравствена организација (СЗО), Маргарет Чан најави дека ангажирала група експерти кои треба да проценат дали е потребно одлагање или откажување на Олимписките игри, што во август треба да се одржат во Рио де Женеиро, поради опасноста од вирусот зика.
– На ваквиот чекор се решив поради нивото на загриженост кое владее во меѓународната заедница, изјави синоќа Чан.
Ваквата одлука на Чан следи по иницијативата на над 150 научници од 29 земји кои повикаа на одлагање или преместување на Летните олимписки игри во Рио во „интерес на јавното здравје“.
СЗО досега во четири наврати испраќаше свои експери во Брсзил за прибирање на податоци и утврдување на степенот на опасност од вурусот зика за спорисити и гледачите на Олимпијадата.
Чан нагласи дека последните податоци во врска со ова прашање се прибрани во текот на мај, но најави дека наскоро СЗО ќе излезе со нов извештај за ризиците од зика по учесниците на Олимпијадата.
На Летните олимписки игри во Рио де Женерио, што ќе траат од 5 до 21 август, се очекува учество на околу 10.000 спортисти, но и присуство на над 500.000 туристи и гледачи од целиот свет.